A esclerose múltiple é unha enfermidade crónica do Sistema Nervioso Central (SNC), que afecta, de maneira intermitente, á sustancia branca (mielina) de medula espinal e ao cerebro.

Nos lugares afectados altérase a vaina de mielina que recubre os nervios. Como consecuencia disto atrásase ou se interrompe a comunicación nerviosa, xa que a mielina queda substituída por placas de tecido endurecido (esclerose). Debido a que esta destrución leva a cabo en diferentes e múltiples lugares, a enfermidade é chamada Esclerose Múltiple.

Esta enfermidade pode aparecer en calquera etapa da vida e en ambos os sexos, aínda que é máis frecuente en mulleres e entre a poboación adulta nova. A maioría dos casos diagnostícanse en persoas que teñen entre 20 e 40 anos de idade aínda que tamén pode aparecer en nenos, adolescentes e anciáns.

Os síntomas máis habituais son:

• Afectación da vista.
• Fatiga
• Espasticidade.
• Problemas de equilibrio
• Problemas de incontinencia
• Perda de forza ou sensibilidade en algures do corpo.
• Alteracións de memoria e concentración
• Alteracións da fala e deglución.

Estes síntomas poden aparecer no que se denominan brotes e desaparecen total ou parcialmente despois. Non todos os síntomas aparecen en todas as persoas, nin o fan coa mesma intensidade. Este é o motivo polo que se presenta en cada persoa de forma distinta e adóitase denominar como “a enfermidade do mil caras”