• Dispoñer dun servizo porta a porta, dirixido a todas aquelas persoas cuxa enfermidade, asociada a unha discapacidade limítaos nos seus desprazamentos.
• Ofrecer, na medida que a demanda o permita, unha alternativa aos servizos de autobús urbano, taxis ou outros servizos de transporte adaptado (065, empresas particulares,…).
• Liquidar a dificultade que ocasiona non dispoñer de vehículo adaptado propio.
• Potenciar a autonomía do usuario e favorecer o respiro familiar.
• Axudar a mellorar a calidade de vida dos usuarios e a súa actividade social.
• Axustar as necesidades económicas, horarias e asistenciais a cada un dos usuarios.
• Colaborar co medio ambiente e reducir a contaminación.

O servizo xestiónase a través do servizo de traballo social, onde se entrega a solicitude de demanda de transporte, esta contén os datos persoais do usuario e os horarios de realización de actividades no centro por parte do mesmo. A demanda é presentada sempre por parte da entidade á cal pertence.

En coordinación coa responsable do servizo, determínase se se pode ou non atender a solicitude. A contestación realízase no menor tempo posible, procurando non exceda dos dous días a resposta. Se esta é positiva e aceptada polo usuario procédese a dar de alta ao mesmo. Asínase documentación do protocolo de normas de uso do transporte, protección de datos, entrégase copia debidamente selada e asinada ao usuario xunto á comunicación de horarios de recollida e comeza a prestación do servizo.