• Grazas ao cofinanciamento da Xunta de Galicia a través dos fondos do 0,7% do IRPF,
  xestionados a través da Federación Galega de Esclerose Múltiple (FEGADEM), ACEM
  ten en marcha este 2025 un programa de mellora das habilidades sociais en persoas
  con EM e os seus familiares.

Esta subvención permite á Asociación Coruñesa de Esclerose Múltiple (ACEM) contar
con 1 profesional para este servizo.

ACEM, membro de FEGADEM, tamén adquirirá material para programas de
rehabilitación con persoas con EM grazas a esta axuda.

A Asociación Coruñesa de Esclerose Múltiple (ACEM), membro da Federación Galega de
Esclerose Múltiple (FEGADEM), ofrece este 2025 o seu programa de mellora das habilidades
sociais en persoas con EM e os seus familiares, co fin de favorecer a súa calidade de vida
proporcionando apoio social, aprendendo a identificar as necesidades individuais e
establecendo medios para mellorar as relacións interpersoais.
A través deste servizo, ACEM realizará actividades grupais como talleres psicosociais, saídas
culturais e actividades de ocio, nas que se traballarán habilidades sociais como a empatía, a
intelixencia emocional, a escoita activa e a resolución de conflitos. Para desenvolver este
servizo, ACEM contará con 1 profesional.
Ademais, a Asociación adquirirá material para programas de rehabilitación con persoas con
EM, mellorando así os seus servizos en beneficio das persoas asociadas á entidade.
Estes programas poderán levarse a cabo grazas ao cofinanciamento da Xunta de Galicia a través
dos fondos do 0,7% do IRPF, procedentes das persoas que marcaron o cadro de ‘Actividades
de interese xeral consideradas de interese social’ na declaración da renda. Deste programa
beneficiaranse un total de 110 persoas da área de A Coruña e arredores afectadas de
esclerose múltiple.

ESCLEROSE MÚLTIPLE

A Esclerose Múltiple afecta en España a preto de 58.000 persoas, constituíndose como unha
das enfermidades máis comúns do Sistema Nervioso Central (SNC). Galicia é a área coa
prevalencia máis alta, existindo na actualidade unhas 4.500 persoas diagnosticadas. A
esclerose múltiple é unha enfermidade crónica autoinmune, desmielinizante,
neurodexenerativa e progresiva do SNC.
Os síntomas temperáns máis habituais son a fatiga, problemas de visión, formigueos,
entumecementos, vertixes e mareos, debilidade muscular, espasmos y problemas de equilibrio
e coordinación. Moitas manifestacións da enfermidade son ‘invisibles’, pero inciden no día a día
de quen convive con ela. A incapacidade que provoca caracterízase por trastornos motores,
cognitivos e da agudeza visual, acompañada doutras alteracións coma ansiedade e/ou
depresión.

QUE É ACEM
ACEM é unha entidad sen ánimo de lucro que agrupa tanto a persoas afectadas pola esclerosis
múltiple como os seus familiares, tendo un ámbito de actuación abarca a provincia de A Coruña.
Dende a entidade ofrécese información e asesoramento sobre a enfermidade ás persoas
afectadas pola EM e familiares, facilítase o acceso a sistemas de axuda nun ámbito
multidisciplinar para ofrecer unha adecuada atención en todas as fases da enfermidade para
lograr unha mellora da súa calidade de vida, ademais de sensibilizar á opinión pública dos
problemas e consecuencias desta enfermidade neurolóxica, crónica e dexenerativa. O noso
obxectivo é mellorar a calidade de vida das persoas afectadas pola esclerose múltiple e a dos
seus familiares, así como concienciar á sociedade da necesidade de loitar con todos os medios
posibles para evitar os efectos individuais e sociais consecuentes da enfermidade.